ਵਿਲਜ਼ਰ ਕਿੰਗ ਕੰਪਨੀ ਵੱਲੋਂ ਗੁਰਮੇਲ ਬੌਡੇ ਦਾ ਸਨਮਾਨ
ਮੋਗਾ 25 ਮਈ (Rakesh Kumar chhabra)
ਪਰਗਤੀਸ਼ੀਲ ਮੰਚ ਪੰਜਾਬ ਅਤੇ ਲੋਕ ਸਾਹਿਤ ਅਕਾਦਮੀ ਵੱਲੋਂ ਮਿਲਕੇ ਸੁਪਰੀਮ ਕੌਨਵੈੰਟ ਸਕੂਲ ਬਿਲਾਸਪੁਰ ਵਿਖੇ ਸਾਹਿਤਕ ਸਮਾਗਮ ਕਰਵਾਇਆ ਗਿਆ। ਇਸ ਸਾਹਿਤਕ ਸਮਾਗਮ ਵਿੱਚ ਬਹੁਤ ਸਾਰੇ ਲੇਖਕਾਂ ਅਤੇ ਪਾਠਕਾਂ ਨੇ ਭਾਗ ਲਿਆ।ਲੇਖਕਾਂ ਨੇ ਆਪਣੇ ਵਿਚਾਰਾਂ ਅਤੇ ਕਵੀਆਂ ਨੇ ਕਵਿਤਾਵਾਂ ਰਾਹੀਂ ਬੌਧਿਕ ਗਿਆਨ ਵੰਡਿਆ। ਇਸ ਸਮਾਗਮ ਦੇ ਪੑਧਾਨਗੀ ਮੰਡਲ ਵਿੱਚ ਸ ਚਰਨ ਸਿੰਘ, ਮਨਦੀਪ ਕੌਰ ਭਦੌੜ, ਸਿਰਮੌਰ ਲੇਖਕ ਬਲਦੇਵ ਸੜਕਨਾਮਾ, ਅਸ਼ੋਕ ਚੁਟਾਨੀ ਪ੍ਰਧਾਨ ਲੋਕ ਸਾਹਿਤ ਅਕਾਦਮੀ, ਜਗਦੀਸ਼ ਰਾਣਾ, ਡਾ ਕੁਲਦੀਪ ਦੀਪ, ਗੁਰਨਾਮ ਬਾਵਾ ਅੰਬਾਲਾ , ਗੁਰਚਰਨ ਸਿੰਘ ਸੰਘਾ, ਸੁਰਜੀਤ ਜੱਜ ਸ਼ਸ਼ੋਭਤ ਸਨ। ਮੰਚ ਸੰਚਾਲਨ ਚਰਨਜੀਤ ਸਮਾਲਸਰ ਨੇ ਕੀਤਾ। ਵਿਚਾਰ ਚਰਚਾ ਵਿੱਚ ਪੑਧਾਨਗੀ ਮੰਡਲ ਸਮੇਤ ਡਾ ਸੁਰਜੀਤ ਬਰਾੜ, ਕੌਮਾਂਤਰੀ ਕਹਾਣੀਕਾਰ ਗੁਰਮੀਤ ਕੜਿਆਲਵੀ, ਦਿਲਬਾਗ ਬੌਡੇ ਨਿਰੰਜਣ ਬੋਹਾ ਨੇ ਭਾਗ ਲਿਆ।ਪੑੋਗਰਾਮ ਦੀ ਸ਼ਰੂਆਤ ਗੁਰਦੇਵ ਸਿੰਘ ਦਰਦੀ ਦੇ ਗੀਤ ਨਾਲ ਹੋਈ।ਇਸ ਸਮੇਂ ਵਿਲਜ਼ਰ ਕਿੰਗ ਕੰਪਨੀ ਦੇ ਡਾਇਰੈਕਟਰ ਰਣਦੀਪ ਰਾਮਾ ਯੂ ਕੇ ਅਤੇ ਪੑਡਿਊਸਰ ਸੁੱਖ ਧਾਲੀਵਾਲ ਕਨੇਡਾ ਵੱਲੋਂ ਗੁਰਮੇਲ ਸਿੰਘ ਬੌਡੇ ਦੀਆਂ ਸਵੈਰਚਿਤ ਸੱਭਿਆਚਾਰਕ, ਲੋਕ ਅਤੇ ਕਿਰਤ ਪੱਖੀ ਗੀਤ ਅਤੇ ਕਵਿਤਾਵਾਂ ਕਿਸਾਨ ਅੰਦੋਲਨ ਦੌਰਾਨ ਰੀਕਾਰਡ ਕੀਤੇ ਗਏ ਅਤੇ ਉਨ੍ਹਾਂ ਨੇ ਇਹ ਗੀਤ 63-64 ਸਾਲ ਦੀ ਉਮਰ ਵਿੱਚ ਵਿਲਜ਼ਰ ਕਿੰਗ ਚੈਨਲ ਲਈ ਗਾ ਕੇ ਲੋਕ ਸੰਘਰਸ਼ਾਂ ਵਿੱਚ ਆਪਣਾ ਯੋਗਦਾਨ ਪਾਇਆ। ਜਿਸ ਬਾਰੇ ਡਾਇਰੈਕਟਰ ਰਣਦੀਪ ਰਾਮਾ ਯੂ ਕੇ, ਨੇ ਗੁਰਮੇਲ ਸਿੰਘ ਬੌਡੇ ਦੇ ਇਸ ਯੋਗਦਾਨ ਬਾਰੇ ਦੱਸਿਆ, ਸੁੱਖ ਧਾਲੀਵਾਲ ਕਨੇਡਾ ਨੇ ਸ਼ੁਭ ਕਾਮਨਾਵਾਂ ਅਤੇ ਸਨਮਾਨ ਪੱਤਰ ਅਤੇ ਰਣਦੀਪ ਸਿੰਘ ਰਾਮਾਂ ਵੱਲੋਂ ਬਹੁਤ ਹੀ ਸ਼ਾਨਦਾਰ ਟਰਾਫ਼ੀ ਨਾਲ ਸਨਮਾਨਿਤ ਕੀਤਾ। ਪਿੰਡ ਰਾਮਾਂ ਤੋਂ ਆਏ ਵਿਸ਼ੇਸ਼ ਸਾਥੀ
ਰਣਜੀਤ ਸਿੰਘ ਨੇ ਵੀ ਗੁਰਮੇਲ ਸਿੰਘ ਬੌਡੇ ਬਾਰੇ ਸੰਬੋਧਨ ਕੀਤਾ। ਗੁਰਮੇਲ ਸਿੰਘ ਬੌਡੇ ਦੀ ਸਾਹਿਤਕ ਮਾਂ ਮਾਤਾ ਜਰਨੈਲ ਕੌਰ ਧਾਲੀਵਾਲ ਕਨੇਡਾ ਨੇ ਆਪਣੀ ਤਿੰਨ ਕਿਤਾਬਾਂ ਦੀਆਂ ਸੌ ਦੇ ਕਰੀਬ ਪੁਸਤਕਾਂ ਹਾਜ਼ਰ ਸਾਹਿਤਕਾਰਾਂ ਨੂੰ ਮੁਫ਼ਤ ਵੰਡੀਆਂ। ਇਸ ਸ਼ਾਨਦਾਰ ਸਮਾਗਮ ਦਾ ਪੑਬੰਧ ਲੇਖਿਕਾ ਸੁਖਮੰਦਰ ਕੌਰ ਪਤਨੀ ਦਿਲਬਾਗ ਸਿੰਘ ਬੌਡੇ ਨੇ ਕੀਤਾ ਸੀ। ਵਰਨਣਯੋਗ ਹੈ ਕਿ ਸੁਖਮੰਦਰ ਕੌਰ ਪਿੰਡ ਬੌਡੇ ਦੀ ਪਹਿਲੀ ਲੇਖਿਕਾ ਨੂੰਹ ਰਾਣੀ ਹੈ। ਇਸ ਸਮਾਗਮ ਤੇ ਪਰਗਤੀਸ਼ੀਲ ਲੇਖਿਕ ਮੰਚ ਦੇ ਆਹੁਦੇਦਾਰਾਂ ਸ਼ਾਹਮੁਖੀ ਲਿੱਪੀ ਵਿੱਚ ਉਨ੍ਹਾਂ ਦੇ ਨਾਵਾਂ ਨੂੰ ਆਪਣੀ ਕੈਲੀਗ੍ਰਾਫੀ ਵਿੱਚ ਫਰੇਮ ਕਰਵਾ ਕੇ ਭੇਟ ਕੀਤਾ ਅਤੇ ਮਿੰਟੂ ਖੁਰਮੀ ਹਿੰਮਤਪੁਰਾ ਨੂੰ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਕੀਤਾ ਗਿਆ। ਸੁਪਰੀਮ ਕੌਨਵੈਂਟ ਸਕੂਲ ਦੇ ਡਾਇਰੈਕਟਰ ਮਨਦੀਪ ਭਦੌੜ ਨੂੰ ਉੁਚੇਚੇ ਤੌਰ ਤੇ ਸ਼ਾਨਦਾਰ ਹਾਲ ਮੁਹਈਆ ਕਰਨ ਲਈ ਧੰਨਵਾਦ ਕੀਤਾ। ਇਸ ਸਮਾਗਮ ਵਿੱਚ ਲੇਖਕ ਹਰਵਿੰਦਰ ਸਿੰਘ ਬਿਲਾਸਪੁਰ, ਜਗਜੀਤ ਸਿੰਘ ਡੀ ਪੀ, ਹਰਵੀਰ ਸਿੰਘ ਡੀ ਪੀ ਸ਼ੰਮੀ ਕੜਿਆਲਵੀ, ਨਿਰਮਲ ਪੱਤੋ, ਮੰਗਲਮੀਤ ਪੱਤੋ, ਅਜਮੇਰ ਮੋਗਾ, ਅਮਰੀਕ ਸੈਦੋਕੇ, ਜਸਵੰਤ ਬੋਪਾਰਾਏ ਰੁਪਿੰਦਰ ਬਲਾਸੀ ਸਾਮਲ ਸਨ।
ਇਹ ਵਿਲੱਖਣ ਸਾਹਿਤਕ ਸਮਾਗਮ ਆਪਣੀ ਅਮਿੱਟ ਯਾਂਦਾ ਛੱਡਦਾ ਹੋਇਆ ਸਮਾਪਤ ਹੋਇਆ।
About The Author
